BQO-da eki júk kóligi soqtyǵysyp, 44 jastaǵy júrgizýshi kóz jumdy
BQO polıtsııa departamentiniń baspasóz qyzmetinen málim etkenindeı, oqıǵa 24 jeltoqsan kúni Qaratóbe aýdany Qoskól aýyly tusynda boldy.
«Shamamen saǵat 18.00-de Samara-Shymkent tas jolynda 44 jastaǵy júrgizýshi «Volvo» júk kóliginiń rýline ıe bola almaı, qarsy betke shyǵyp ketken. Sóıtip 39 jastaǵy qyrǵyzstandyq júrgizýshi aıdap kele jatqan DAF júk kóligimen soqtyǵysqan. Saldarynan 44 jastaǵy qazaqstandyq júrgizýshi oqıǵa ornynda mert boldy. «Volvo» kóliginde otyrǵan 24 jastaǵy jolaýshy túrli jaraqattarmen Oral qalasyndaǵy oblystyq aýrýhanaǵa jetkizildi. Qazirgi kezde atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde», dep habarlady vedomstvodan.
Oblystyq densaýlyq saqtaý basqarmasy baspasóz qyzmetiniń naqtylaýynsha, 24 jastaǵy jigit oblystyq aýrýhananyń neırohırýrgııa bóliminde em alýda. Jaǵdaıy turaqty.
Eske sala keteıik, budan buryn Oralda avtobýs pen jeńil kólik soqtyǵysyp, úsh adam zardap shekkenin jazǵan bolatynbyz.
Foto: BQO polıtsııa departamenti