BQO-da eki jas jigit ekspedıtordyń 2 mln teńgege jýyq aqshasyn tartyp alǵan

ORAL. QazAqparat – Batys Qazaqstan oblysynda eki jas jigit ekspedıtordyń 1,8 mln teńgesin tartyp alǵan, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkendeı, oqıǵa 1 sáýir kúni Báıterek aýdany Mıchýrın aýylynda bolǵan.

Eki jas jigit zorlyq-zombylyq kórsetip, ekspedıtordan 1,8 mln teńge aqshasy salynǵan paketti tartyp alǵan.

«1990 jylǵy jábirlenýshi shabýyl jasaǵandardyń betperde kıip kelip, betinen birneshe ret soqqy jasaǵanyn aıtty. Aqshany tartyp alǵannan keıin qaraqshylar oqıǵa ornynan «VAZ-2115» avtokóligimen boı tasalaǵan. 1996 jáne 1997 jylǵy kúdiktiler qolǵa túsip, tergeý ızolıatoryna qamaýǵa alyndy. Qazirgi kezde QR QK 191-baby 3-bóligine (iri mólsherde tonaý) sáıkes sotqa deıingi tergeý amaldary júrgizilip jatyr», - dep habarlady vedomstvodan.

Atalmysh bap boıynsha aıypty dep tanylǵan adam múlki tárkilenip, bes jyldan on jylǵa deıingi merzimge bas bostandyǵynan aıyrýǵa jazalanady.