BQO-da eki shaǵyn avtobýs soqtyǵysty
ORAL. QazAqparat - Keshe saǵat 18.30 shamasynda Oral-Podstepnyı joly boıynda Ekinshi saıajaı aıaldamasy tusynda «Volkswagen Crafter» avtokóliginiń 1983 jylǵy júrgizýshisi qarsy betke shyǵyp ketip, «Iveco» avtokóligimen soqtyǵysqan.
BQO ishki ister departamentiniń baspasóz qyzmetinen túsken málimetke qaraǵanda, sonyń saldarynan «Iveco» avtokóliginiń 1977 jylǵy júrgizýshisi aýyr jaraqat alyp, oblystyq aýrýhanaǵa jatqyzyldy.
Medıtsınalyq anyqtamaǵa qaraǵanda, júrgizýshilerdiń ekeýi de ishimdik ishpegen. Qazirgi kezde saraptamalar taǵaıyndalyp, kináliniń kim ekendigi anyqtalý ústinde.
Kýágerlerdiń sózine qaraǵanda, qos shaǵyn avtobýs júrgizýshiler jaǵynan qatty soqtyǵysqan. Sonyń saldarynan sol mezette jol keptelisi oryn aldy.
