BQO-da eki kúnde órtten tórt adam qaza boldy

BQO TJ departamentiniń baspasóz qyzmetinen túsken málimetke qaraǵanda, 17 qazan kúni saǵat 23.20-da Shyńǵyrlaý aýdany ortalyǵy Shyńǵyrlaý aýylynda peshtiń jumys jasamaýy saldarynan 1928 jylǵy er adam men 1930 jylǵy áıel gazdan ýlanyp, oqıǵa ornynda kóz jumdy. Olardyń múrdeleri sot-medıtsınalyq saraptamaǵa jiberildi.

Bir kúnnen keıin, 18 qazanda saǵat 11.00-de Jánibek aýdany ortalyǵy Jánibek aýylynda óz úıinen esh jerde jumys jasamaıtyn 1977 jylǵy A. degen azamattyń múrdesi tabyldy. Ol úıde jalǵyz bolǵan. 15 sharshy metrdi qamtyǵan órtten jeke zattary, jıhaz, úıdiń tóbesi janyp ketken.

Sol kúni saǵat 21.31-de osy aýdannyń Taý aýylynda eki páterlik úı órtengen. Órt aýmaǵy - 60 sharshy metr. Oqıǵa ornynan 2000 jylǵy E. degen qyzdyń denesi tabyldy.

Bul eki órttiń shyǵý sebepteri, keltirilgen shyǵyn, kináli adamdar anyqtalý ústinde.

Aıta keteıik, óńirde jyl basynan beri 666 órt tirkelip, 16 adam qaza taýyp, 20 kisi zardap shekti.