BQO-da eki kúnde 76 qarý ıesi ákimshilik jaýapqa tartyldy
ORAL. QazAqparat - Batys Qazaqstan oblysynda eki kúnde 76 qarý ıesi ákimshilik jaýapqa tartyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, atys qarýyn qoldanýmen bolatyn qylmystyń aldyn alý maqsatynda óńirde 20-23 mamyr aralyǵynda «Qarý» jedel aldyn alý sharasy ótkizilýde.
Bastapqy eki kúnde turǵylyqty meken-jaıy boıynsha 1 694 qarý ıesi tekserildi.
Sonyń ishinde 76 qarý ıesi ákimshilik jaýapkershilikke tartyldy. Qarý saqtaý erejesin buzǵany úshin 53 qarý tárkilendi, sonyń 51-i tegis uńǵyly qarý bolsa, ekeýi - gazdy tapansha. Barlyǵy 820 myńnan astam teńge kóleminde aıyppul salyndy.
Sonymen qatar tirkelmegen 1 elektrshoker, 1 tegis uńǵyly, 1 oıyq uńǵyly qarý tárkilendi.
