BQO-da eki kóliktiń soqtyǵysýynan 7 adam aýrýhanaǵa tústi
ORAL. QazAqparat – Batys Qazaqstan oblysynda jol apatynan keıin jeti adam aýrýhanaǵa jetkizildi, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen málim etkenindeı, oqıǵa 29 sáýir kúni saǵat 20.00-20.30 shamasynda Oral-Podstepnyı joly boıynda boldy.
Datsun jáne Chevrolet Niva avtokólikteri betpe-bet soqtyǵysqan.
Jol apaty saldarynan sol mańda avtokólik keptelisi bolyp, polıtsııa qyzmetkerleri kelgennen keıin qozǵalys rettelgen.
Aýrýhanaǵa jeti adam jetkizilse, sonyń beseýi aýyr dene jaraqatyn alǵan.
Qazirgi kezde oqıǵanyń jaı-japsary anyqtalyp jatyr.
