BQO-da eki bala qudyqqa qulap, qaza tapty
ORAL. QazAqparat – Batys Qazaqstan oblysynda eki bala qudyqqa qulap, qaza tapty, dep habarlaıdy QazAqparat tilshisi.
BQO Tótenshe jaǵdaılar departamentinen málim etkenindeı, qaıǵyly oqıǵa 11 tamyz kúni Jańaqala aýdany Birlik aýyldyq okrýginde boldy.
Shamamen saǵat 15.00-de qaraýsyz qalǵan 3 jáne 1 jasar eki bala jeke úıdiń aýlasyndaǵy tereńdigi 3 metr sýy bar qudyqqa qulap ketken. Olardyń denesin saǵat 18.30-da jergilikti turǵyndar shyǵaryp aldy.
BQO TJ departamenti ata-analardan balalaryn qaraýsyz qaldyrmaýdy ótinedi.
Eske sala keteıik, budan buryn Oralda 4 bala Jaıyqty júzip ótpek bolǵanyn jazǵan edik.
