BQO-da eki avtokólik soqtyǵysyp, úsh adam zardap shekti
ORAL. QazAqparat – Oral qalasynda eki avtokólik soqtyǵysyp, úsh adam zardap shekti, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmetinen málim etkenindeı, oqıǵa búgin tańerteń Melovye gorkı mańyndaǵy jańa kópirge bara jatqan jolda boldy.
Saǵat 05.28-de jedel járdemge qońyraý shalynǵan.
Oqıǵa saldarynan Bórli aýdany Jarsýat aýylynda turatyn 20 jastaǵy qyz ashyq bas-mı jaraqatyn aldy. Oblystyq kópbeıindi aýrýhananyń neırohırýrgııa bólimine jatqyzylǵan onyń jaǵdaıy ortasha aýyr.
Osy aýylda turatyn 50 jastaǵy er adamnyń qolynyń eti kógergen, ol aýrýhanaǵa jatýdan bas tartty.
Sondaı-aq 34 jastaǵy Almaty qalasynyń turǵyny jabyq bas-mı jaraqatyn alyp, mıy shaıqalǵan. Ol da aýrýhanaǵa jetkizilgenimen, onda jatýdan bas tartty. Jaǵdaıy turaqty.
BQO polıtsııa departamenti baspasóz qyzmetiniń naqtylaýynsha, Aqsaı qalasy jaqtan kele jatqan Renault Logan men Oraldan shyqqan Toyota Land Cruiser avtokóligi soqtyǵysqan. Birinshi kólikte úsh adam, ekinshisinde júrgizýshi ǵana bolǵan.
