BQO-da eki avtokólik soqtyǵysyp, 5 adam zardap shekti
ORAL. QazAqparat - Batys Qazaqstan oblysynda eki avtokólik soqtyǵysyp, bes adam zardap shekti, dep habarlaıdy QazAqparat tilshisi.
Oblystyq polıtsııa departamentiniń baspasóz qyzmetinen túsken málimetke qaraǵanda, oqıǵa keshe keshke qaraı Oral-Kırsanov joly boıynda boldy.
Saǵat 18.30 shamasynda 1958 jylǵy júrgizýshi «VAZ-21110» avtokóliginiń rýline ıe bola almaı, joldyń qarsy betine shyǵyp ketken. Sonyń kesirinen «VAZ-21140» avtokóligimen túıisýge jol bergen.
Jol-kólik oqıǵasy saldarynan bes adam aýrýhanaǵa jetkizilip, sonyń ekeýi emhanaǵa jatqyzyldy.
Qazirgi kezde Báıterek aýdany Darııan polıtsııa bólimi tergeý amaldaryn júrgizýde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, 61 jáne 28 jastaǵy er, 55, 33 jáne 22 jastaǵy áıel adamdar oblystyq kópbeıindi aýrýhanaǵa jetkizildi.
«Demalys kúnderi óńirde jedel járdem shaqyrylǵan barlyǵy 7 jol-kólik oqıǵasy bolyp, saldarynan 21 adam zardap shekti. Sonyń ekeýi Oral-Atyraý, bir-birden Oral-Kırsanov, Aqsaı-Fedorov joldary boıynda oryn aldy. Qaza tapqandar joq», dedi QazAqparat tilshisine A.Saqposynova.
Eske sala keteıik, budan buryn BQO-daǵy jol apatynan áıel adamnyń aýyr jaraqat alǵanyn jazǵan bolatynbyz.
