BQO-da eki avtobýs soqtyǵysyp, úsh adam aýyr jaraqat aldy
ORAL. QazAqparat - 31 qazan kúni shamamen tańǵy saǵat 08.20-da Qarashyǵanaq kenishi aýmaǵynda, Aqsaı-Tuńǵysh jolynyń ońtústik baǵytynyń 20-shaqyrymynda eki jolaýshylar avtobýsy soqtyǵysty.
Bórli aýdandyq ishki ister bóliminen túsken málimetke qaraǵanda, 54 jasar júrgizýshi «Eljas» JShS-na tıesili «PAZ-32054» avtobýsymen qolaısyz aýa raıyn eskermeı, qarsy betke shyǵyp ketip, «Qazaqstan Elim» JShS-da jumys jasaıtyn 51 jasar júrgizýshi aıdap kele jatqan «Golden Gragon Xmi6127jr» avtobýsymen túıisken.
Sonyń saldarynan «PAZ-32054» avtobýsynyń júrgizýshisi jabyq bas-mı jaraqatyn alyp, qabyrǵasy synǵan. Taǵy eki jolaýshy basynan aýyr jaraqat alyp, synǵan-shyqqan jerleri de bar. Barlyǵy 7 adam jaraqat alǵan.
Qazirgi kezde oqıǵanyń sebep-saldary anyqtalýda.
