BQO-da eki adamnyń ólimine soqtyrǵan jol apaty boıynsha tergeý júrgizilýde
ORAL. QazAqparat - Batys Qazaqstan oblysynda eki adamnyń ólimine soqtyrǵan jol apaty boıynsha tergeý júrgizilýde, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, 2 mamyr kúni saǵat 01.50 shamasynda Oral-Atyraý jolynyń boıynda Aqjaıyq aýdany Іlbishin aýyly tusynda «Cetra» avtobýsynyń júrgizýshisi rýlge ıe bola almaı, «MAN» júk kóligimen soqtyǵysýǵa jol bergen.
Jol apaty saldarynan avtobýs pen júk kóliginiń júrgizýshileri oqıǵa ornynda kóz jumdy.
Atalǵan derek boıynsha QR QK 345-baby 3-bóligine sáıkes (abaısyzda adam ólimine soqtyrǵan jol qozǵalysy erejesin buzý) qylmystyq is qozǵalyp, sotqa deıingi tergeý amaldary bastaldy.
Eske sala keteıik, keshe Aqjaıyq aýdany aýmaǵynda jolaýshylar avtobýsy men júk kóligi soqtyǵysyp, sonyń saldarynan qos júrgizýshiniń qaza bolyp, taǵy bir adamnyń aýdandyq aýrýhanaǵa jetkizilgenin, onyń jaǵdaıy aýyr ekendigin jazǵan bolatynbyz.
