BQO-da eki adamdy óltirgen turǵyndar qamaýǵa alyndy
ORAL. QazAqparat – Batys Qazaqstan oblysynda eki adamdy óltirgen turǵyndar eki aıǵa qamaýǵa alyndy, dep habarlaıdy QazAqparat tilshisi.
Báıterek aýdany tergeý sýdıasy 17 sáýir kúni tergeýshiniń 1977 jylǵy Ch. jáne 1993 jylǵy K-ǵa qatysty qamaýǵa alý túrindegi bultartpaý sharasyn qoldaný jónindegi ótinishin qanaǵattandyrdy.
BQO sotynyń baspasóz qyzmetinen túsken málimetke qaraǵanda, atalǵan ekeýge QR QK 99-baby 2-bóligi 1, 7 jáne 15-tarmaqtaryna (tótenshe jaǵdaı kezinde aldyn ala sóz baılasyp, top bolyp, eki nemese odan kóp adamdy óltirý) sáıkes aıyp taǵylyp otyr.
Ch. men H. 25 naýryz kúni shamamen saǵat 23.00-de jábirlenýshiler Ch. men H-ny óltirip, sodan keıin múrdelerin orman ishine aparyp, kómip tastaǵan.
Eske sala keteıik, budan buryn BQO-da eki adamdy óltirdi degen kúdikpen 2 turǵynnyń ustalǵanyn jazǵan bolatynbyz.
Marqumdar – azamattyq nekedegi erli-zaıyptylar.
