BQO-da eki adam sýǵa batyp ketti
ORAL. QazAqparat - Batys Qazaqstan oblysynda eki adam sýǵa ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵanyń biri Báıterek aýdanynda oryn aldy.
Keshe saǵat 09.45-te Báıterek aýdany ıAnvartsev aýyldyq okrýgine qarasty Petrov eldi mekeninde Embýlatovka ózeninen 1964 jylǵy er adamnyń denesi shyǵaryldy. Ol 22 maýsym kúni sýǵa shomylýǵa jabdyqtalmaǵan jerden mas kúıinde túsip, saǵat 21.45-te batyp ketken.
Sondaı-aq 23 maýsym kúni Oral qalasynda Vıshenka-3 saıajaı qoǵamynda 1966 jylǵy azamat ta Shaǵan ózenine sýǵa shomylýǵa jabdyqtalmaǵan jerden túsip, saǵat 16.00-de batyp ketken. Onyń múrdesin qutqarýshylar saǵat 20.00-de alyp shyqty.
Óńirde bıyl osymen 20 adam sýǵa ketse, sonyń tórteýi balalar bolyp otyr. Atap aıtqanda, Oralda - 8, Aqjaıyq pen Báıterek aýdanynda - beseýden, Qaratóbe men Syrymda bir adamnan sýǵa ketti.
2009-2018 jyldar aralyǵynda 260-tan astam adam (sonyń 70-ten astamy - jasóspirimder) «tilsiz jaýdyń» qurbany boldy.
Eske sala keteıik, budan buryn balyq aýlaýǵa ketken oraldyqtyń máıiti tabylǵanyn jazǵan bolatynbyz.
Oblysta sońǵy kúnderi kún qatty ysyp ketti. Soǵan baılanysty sýǵa shomylýshylar da kóbeıdi. Ókinishke qaraı, qaıǵyly oqıǵalar sýǵa túsý kezinde qaýipsizdik erejesin saqtamaýdan bolyp jatyr.
