BQO-da eki turǵyn aýyldasyna oq atyp, óltirmek bolǵan

ORAL. KAZINFORM – Oral qalasyna qarasty Krýgloozernyı kentinde oqys oqıǵa boldy. 

Turǵyndardyń sózine qaraǵanda, 14 qańtar kúni eki turǵyn jıyrma jasar jigitke oq atqan. Aldymen olar ony kóshege shaqyryp alǵan. Sodan keıin eki ret oq atylyp, bireýi onyń ishine, ekinshisi qolynan tıgen.

BQO polıtsııa departamentiniń baspasóz qyzmeti oqıǵany rastady.

— Atalǵan derekke sáıkes Shaǵan polıtsııa bólimi buzaqylyq jáne kisi óltirýge oqtalý qylmysy boıynsha tergeý amaldaryn júrgizip jatyr. Qylmys jasady degen kúdikpen eki jergilikti turǵyn ustaldy. Tergeý BQO polıtsııa departamenti basshylyǵynyń baqylaýynda, - dep habarlady vedomstvodan.

Eske sala keteıik, budan buryn Oralda ózenge batyp ketken avtokólikten eki er adamnyń denesi tabylǵanyn jazǵan bolatynbyz.