BQO-da eki aıda esirtkige qatysty 60-qa jýyq quqyqbuzýshylyq anyqtaldy
ORAL. KAZINFORM — Batys Qazaqstan oblysynda 1 maýsym men 31 qazan aralyǵynda «Qarasora-2025» keń aýqymdy jedel aldyn alý is-sharasy ótkizilip jatyr.
BQO polıtsııa departamentiniń baspasóz qyzmetinen málim etkenindeı, mundaǵy maqsat – quramynda esirtki bar ósimdikterdi zańsyz ósirýdi jáne taratý joldaryn joıý, sondaı-aq esirtki aınalymyna qatysy bar uıymdasqan qylmystyq toptardyń qyzmetin toqtatý.
Іs-shara bastalǵaly eki aı ishinde esirtkige qatysty 56 quqyqbuzýshylyq anyqtaldy. Onyń ishinde 20-sy – qylmys, 36-sy – qylmystyq teris qylyq. 20 qylmystyq istiń sanattary mynadaı: 9-y – esirtki satý, 8-i – tyıym salynǵan ósimdikterdi zańsyz ósirý, ekeýi – esirtkini kontrabandalaý, bireýi – esirtki tutynýǵa arnalǵan prıton uıymdastyrý.
- Osy kezeńde shamamen 15 keli marıhýana tárkilendi. Mysaly, operatsııa barysynda esirtki qylmysyna qarsy is-qımyl basqarmasy Oral qalasynyń 31 jastaǵy turǵynyn ustady. Jeke tintý kezinde onyń qaltasynan jasyl ızolentaǵa oralǵan 9 orama tabyldy. Olardyń ishinde erekshe ıisi bar aq tústi zat bolǵan. Budan bólek, jasyrylǵan oryndardan osyndaı taǵy 2 orama tárkilendi. Atalǵan derek boıynsha qylmystyq is qozǵalyp, tıisti saraptamalar taǵaıyndaldy. Qazirgi ýaqytta tergeý amaldary júrgizilýde, - dep habarlady vedomstvodan.
Eske sala keteıik, budan buryn Batys Qazaqstanda 3 avtokólik soqtyǵysyp, júrgizýshi kóz jumǵanyn jazǵan edik.
