BQO-da egin dalasynda tok soqqan kombaınshy mert boldy

ORAL. QazAqparat - Batys Qazaqstan oblysynda kombaın aıdap kele jatqan mehanızatordy tok soqty, dep habarlaıdy QazAqparat Moı gorod portalyna silteme jasap.

BQO tótenshe jaǵdaılar departamentiniń baspasóz qyzmeti málim etkendeı, qaıǵyly oqıǵa 21 shilde kúni saǵat 11.50 shamasynda Batys Qazaqstan oblysy Báıterek aýdany Dostyq aýylynan 4 shaqyrym qashyqtyqta bolǵan.

«Astyq jınaıtyn kombaınnyń tizginindegi 26 jastaǵy operator-mehanızator egin dalasynda jumys istep jatyp, elektr taratý jelisin basyp ketken. Saldarynan ony tok soqty. Mehanızator oqıǵa ornynda kóz jumdy» dep túsindirdi vedomstvonyń baspasóz qyzmeti.

Oqıǵa ornyna BQO tótenshe jaǵdaılar departamentiniń 5 qyzmetkeri barǵan.