BQO-da dropper 4,8 mln teńgeniń qoldy bolýyna járdemdesken

ORAL. KAZINFORM –  Batys Qazaqstan oblysy Qaratóbe aýdanynyń prokýratýrasy WhatsApp aqparattyq júıesin qoldanýshylardan qarajat urlaýǵa qatysy bar bir top alaıaqty sotqa berdi.

BQO prokýratýrasynyń baspasóz qyzmetinen málim etkenindeı, sonyń ishinde dropper alaıaqtyq shemalarǵa belsene qatysqan. Onyń banktik shoty arqyly 4,8 mln astam teńge aýdarylyp, qoldy bolǵan.

- Jábirlenýshiler arasynda Batys Qazaqstan, Aqtóbe, Almaty, Jambyl, Qyzylorda, Túrkistan, Jetisý oblystary, sondaı-aq Almaty qalasynyń turǵyndary da bar. Qazirgi ýaqytta Qaratóbe aýdany prokýratýrasy aıyptalýshylardy Qazaqstan Respýblıkasy Qylmystyq kodeksi 190-babynyń 2 jáne 3-bólimi boıynsha sotqa berdi. Prokýratýra alaıaqtyq bes jyldan on jylǵa deıin bas bostandyǵynan aıyrýmen jáne múlkin tárkileýmen jazalanatynyn eske salady, - dep habarlady vedomstvodan.

Eske sala keteıik, budan buryn BQO-da sýbsıdııa berý kezinde 12 mln-ǵa jýyq teńge orynsyz paıdalanylǵanyn jazǵan bolatynbyz.