BQO-da Derkól ózenindegi sý deńgeıi bir táýlikte 130 santımetrge kóterildi
ORAL. KAZINFORM – Batys Qazaqstan oblysynda Derkól ózeninde sý deńgeıiniń kúrt kóterilgeni baıqalady.
«Qazgıdromet» RMK BQO fılıalynan málim etkenindeı, atalmysh ózende sý deńgeıi keshe Báıterek aýdany Zelenyı aýyly tusynda nebári 2 sm joǵarylap, 120 santımetrge (qaýipti shegi – 450 sm) jetken edi. Búgin tańǵy 08.00-degi málimet boıynsha sý deńgeıi birden 130 sm kóterilip, 250 santımetrge jetti.
Sondaı-aq Derkóldegi sý deńgeıi Beles eldi mekeni tusynda 301 sm (bir táýliktegi ósim – 66 sm, qaýipti shegi – 600-650 sm), Tasqala aýdany Tasqala aýylynda 399 santımetrdi (+111 sm, qaýiptisi – 520 sm) kórsetti.
Sonymen qatar Tasqala aýdanynda 1 Shejin ózeni 1-Shejin aýyly tusynda 446 sm (+74 sm, qaýipti shegi – 646 sm), 2 Shejin ózeni 2-Shejin eldi mekeninde 715 santımetrge (+140 sm, 780 sm) kóterildi.
Oblystyń basqa ózenderinde de sý deńgeıi birtindep ósip jatyr. Orynbor oblysyndaǵy Irekli qoımasynan Jaıyq ózenine burynǵysha sekýndyna 201 tekshe metr sý jiberilip jatyr.
Eske sala keteıik, budan buryn Batys Qazaqstanda jaýǵan jaýyn-shashynnyń tasqynǵa áseri qandaı ekendigin jazǵan bolatynbyz.
Sondaı-aq Oralda erigen qar sýy joldyń ústine shyǵyp ketti.