BQO-da denesin órt shalǵan jigit jansaqtaý bóliminde jatyr
ORAL. QazAqparat - 30 shilde kúni Qaztalov aýdany Taldyapan aýyldyq okrýginde dalada bolǵan órtten sol kezde qoı baǵyp júrgen 1990 jylǵy azamat qazir Oral qalalyq kópbeıindi aýrýhanasynyń jansaqtaý bóliminde jatyr, dep habarlaıdy «QazAqparat» tilshisi.
BQO densaýlyq saqtaý basqarmasy basshysynyń orynbasary Nurdanat Berkinǵalıulynyń aıtýynsha, denesin 80 paıyzǵa deıin kúıik shalǵan jigittiń jaǵdaıy aýyr. Degenmen ózi demalyp jatyr, barlyq qajetti em jasalýda. Órtten keıin Jalpaqtaldaǵy dárigerler qarap, tasymaldaýǵa jaraıtyndaı jaǵdaıǵa jetkizgenshe emdedi.
Eske sala keteıik , Taldypan aýyldyq okrýginde bolǵan órtten 600-ge jýyq qoı-eshki janyp ketip, qatty zardap shekken qoıshy áýeli Jalpaqtal aýrýhanasynda em alyp, odan sanavıatsııamen Oralǵa jetkizilgen bolatyn.
