BQO-da demalys kúnderi bazarlar qyzmeti toqtatylyp, avtobýstar júrmeıdi
ORAL. QazAqparat – BQO bas memlekettik sanıtar dárigeri Muhamǵalı Aryspaevtyń 15 shildedegi qaýlysyna sáıkes oblys aýmaǵynda qatań karantındik shekteý sharalary 2 tamyzǵa deıin uzartyldy, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindeı, 18 shilde kúni saǵat 00.00-den 20 shilde kúngi saǵat 00.00-ge deıin, 25 shilde kúni saǵat 00.00-den 27 shilde kúngi saǵat 00.00-ge deıin jáne 1 tamyz kúngi saǵat 00.00-den 3 tamyz kúngi saǵat 00.00-ge deıin ashyq úlgidegi azyq-túlik jáne azyq-túliktik emes bazarlar qyzmeti toqtatylady.
Sondaı-aq osy ýaqytta qoǵamdyq kólikter júrmeıdi.
Eske sala keteıik, Oralda taǵy bir provızorlyq statsıonar ashylǵan bolatyn.
