BQO-da dárigerler jol apatynan jaraqat alǵan 5 adamnyń jaǵdaıy týraly aıtty

ORAL. QazAqparat - Batys Qazaqstan oblysynda dárigerler jol apatynan jaraqat alǵan 5 adamnyń jaǵdaıyn aıtyp berdi, dep habarlaıdy QazAqparat tilshisi.

QazAqparat budan buryn jazǵanyndaı, Samara-Shymkent trassasynda eki adam mert bolǵan edi.

BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jol apaty saldarynan túrli jaraqat alǵan 5 adam qalalyq kópbeıindi aýrýhanaǵa jetkizildi.

Onyń aıtýynsha, aldyn ala málimet boıynsha 1993 jylǵy jigit túrli synyq jaraqattaryn alǵan. Jansaqtaý bólimshesinde, jaǵdaıy aýyr.

«Sondaı-aq bas pen mıdyń jabyq jaraqatyn alyp, mıy shaıqalǵan 1966 jylǵy er adam men 1991 jylǵy áıel neırohırýrgııa bólimine jatqyzyldy. Sol jaq jambas súıegi synǵan 2001 jylǵy jigit jaraqat bóliminde. Shamamen 30 jastaǵy áıeldiń mıy soǵylǵan, ekinshi dárejeli komada, jansaqtaý bóliminde, jaǵdaıy aýyr», dedi A.Saqposynova.