BQO-da dárigerler ota jasap, jas ana men sábıleriniń ómirin saqtap qaldy
ORAL. QazAqparat - Batys Qazaqstan oblysynda dárigerler ota jasap, jas ana men onyń sábıleriniń ómirin saqtap qaldy, dep habarlaıdy QazAqparat tilshisi.
Oblystyq densaýlyq saqtaý basqarmasynan túsken málimetke qaraǵanda, oqıǵa 26 qyrkúıek kúni boldy.
Oral qalasynan eń shalǵaıda ornalasqan Bókeı ordasy aýdany ortalyq aýrýhanasynda júkti áıeldiń tolǵaǵy kelip qalǵandyǵy jóninde Jańaqala aýdandyq ortalyq aýrýhanasyna habar túsken.
BQO jedel járdem stantsııasynan mamandar kelgenge deıin Jańaqala aýdandyq aýrýhanasynyń basshysy, hırýrg Serjan Esengóbekov, hırýrg Azamat Dııarov, anestezıolog Dáýren Kókenov, onyń kómekshisi Qojamberdi Jumageldın shuǵyl jolǵa shyqty.
Saǵat 22.00-de shyqqan dárigerler Saıqyn aýylyna 02.00-de jetken boıda kúrdeli otaǵa kiristi.
Jas kelinshekke kesar tiligimen jasalǵan ota eki saǵatqa sozyldy. Sonyń nátıjesinde dárigerler anasy men onyń qos birdeı shaqalaǵynyń (ekeýi de ul) ómirin arashalap qaldy.
Kúzgi laısańǵa qaramastan, jol shekken dárigerler óz borysh-mindetterin abyroımen oryndap, oraldy.
Eske sala keteıik, budan buryn Oralda trenajer symyna oralyp qalǵan balanyń jansaqtaý bólimine túskenin jazǵan bolatynbyz.
Oblystyq densaýlyq saqtaý basqarmasynyń habarlaýynsha, bala esin jıǵanymen, jaǵdaıy áli de aýyr. Ol oblystyq kópbeıindi balalar aýrýhanasyna aýystyryldy.
https://kaz.inform.kz/news/oralda-trenazher-symyna-oralyp-kalgan-bala-zhansaktau-bolimine-tusti_a3841034
