BQO-da dárigerler salmaǵy 9 keli qaterli isik óskinin alyp tastady

ORAL. KAZINFORM — Batys Qazaqstan oblysynda dárigerler ota jasap, salmaǵy 9 kg qaterli isik óskinin alyp tastady.

BQO densaýlyq saqtaý basqarmasynyń baspasóz qyzmetinen málim etkenindeı, oblystyq onkologııalyq dıspanserdiń hırýrg-onkologtary Rýslan Saıdenov pen Esenbek Aǵaıbaev jasaǵan ota sátti ótken. 

Olar áıeldiń adamnyń jatyrynan salmaǵy 9 kg, kólemi 40 santımetr qaterli isik óskinin alyp tastady. 

— Qazirgi tańda patsıenttiń jaǵdaıy qalypty. Buǵan deıin onkologııalyq nemese basqa da aýrýlarmen esepte turmaǵan. Áıel ishiniń tómengi bóligi aýyrǵannan keıin ǵana dárigerge júgingen. Dıagnostıkalyq tekserý sharalary barysynda áıel adamnyń jatyrynda úlken kólemde óskin paıda bolǵany anyqtalǵan. BQO onkologııalyq dıspanseri turǵyndarǵa skrınıngtik tekserýden ýaqytyly ótý kerektigin eske salady, — dep habarlady vedomstvodan.

Eske sala keteıik, budan buryn Batys Qazaqstanda sońǵy bes jylda 12 jasóspirimniń júkti bolyp qalǵanyn jazǵan edik.