BQO-da daladaǵy órt kezinde zardap shekken turǵyn kóz jumdy
ORAL. QazAqparat - 30 shilde kúni Qaztalov aýdany Taldyapan aýyldyq okrýginde dalada bolǵan órtten zardap shekken 1990 jylǵy turǵyn kóz jumdy, dep habarlaıdy «QazAqparat» tilshisi.
BQO densaýlyq saqtaý basqarmasy basshysynyń medıtsınalyq-emdeý jumystaryn uıymdastyrý jónindegi orynbasary Gúlnár Ábdirahmanovanyń aıtýynsha, denesin 80 paıyzǵa deıin kúıik shalǵan jigit keshe saǵat 08.40-ta Oral qalalyq kópbeıindi aýrýhanasynda kóz jumdy.
Eske sala keteıik, Taldypan aýyldyq okrýginde bolǵan órtten 600-ge jýyq qoı-eshki janyp ketken edi. Oǵan qosa sol kezde qoı baǵyp júrgen azamat áýeli Jalpaqtal aýrýhanasynda tasymaldaýǵa jaraǵansha em alyp, odan sanavıatsııamen Oralǵa jetkizilip, qalalyq aýrýhananyń jansaqtaý bólimine jatqyzylǵan bolatyn.
