BQO-da bıýdjet qarjysyn jymqyrǵan aýdandyq bólim qyzmetkeri sottaldy

ORAL. QazAqparat – Batys Qazaqstan oblysy Báıterek aýdanynyń Turǵyn úı-kommýnaldyq sharýashylyq bóliminiń bas mamany bıýdjet qarajatyn jymqyrǵany úshin sottaldy, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

«BQO Sybaılas jemqorlyqqa qarsy qyzmeti «BQO Báıterek aýdanynyń turǵyn úı kommýnaldyq sharýashylyq, jolaýshylar kóligi jáne avtomobıl joldary bólimi» MM-nyń bas mamany I.Іleske qatysty sotqa deıingi tergeýdi aıaqtady.

Ol atalǵan memlekettik mekemeniń qajettiligi úshin taýar-materıaldyq qundy zattardy satyp alýǵa bólingen 2,4 mln teńge bıýdjet qarajatyn jymqyrdy dep kúdiktelgen», delingen habarlamada.

26 qyrkúıekte BQO Báıterek aýdandyq sotynyń úkimimen I.Іleske bıýdjet qarjysyn jymqyrǵany úshin 2 jyl 6 aı merzimine (1 jylǵa jazany keıinge qaldyra otyryp) bas bostandyǵynan aıyrý jazasy taǵaıyndaldy, sondaı-aq memlekettik qyzmette laýazymdy qyzmetpen aınalysýǵa ómir boıyna tyıym salý jazasy belgilendi.