BQO-da búırek sındromdy gemorragııalyq qyzba dertin juqtyrǵandar sany kóbeıdi
ORAL. KAZINFORM — Batys Qazaqstan oblysynda bıylǵy segiz aıda 17 adamnyń búırek sındromdy gemorragııalyq qyzba aýrýyn juqtyrǵany tirkeldi.
BQO sanıtarııalyq-epıdemıologııalyq baqylaý departamenti basshysynyń orynbasary Gúldana Kereevanyń aıtýynsha, ótken jyldyń osy kezeńimen (13) salystyrǵanda, bul kórsetkishtiń artqany baıqalady.
Gúldana Qaıyrjanqyzynyń sózine qaraǵanda, atalmysh dertpen Oral qalasynda 12, Báıterek aýdanynda 3, Bórlide 2 adam syrqattanǵan.
Naýqastardyń tyshqan tárizdes kemirgishtermen baılanysta bolǵany, balyq aýlaýǵa shyǵyp, shóp shabý jumystaryna qatysqany anyqtaldy.
— Búırek sındromdy gemorragııalyq qyzba aýrýynyń aldyn alýǵa bolady. Ol úshin shóp, bıdaı, bıdaı ónimderimen jumys istegen kezde jáne kemirgishter bolýy múmkin shańdy bólmelerde respırator qoldaný qajet. Sondaı-aq kemirgishtermen lastanǵan bolýy múmkin ónimderdi paıdanbaý mańyzdy. Bul dert adamnan adamǵa juqpaıdy. Oǵan shaldyqqandar juqpaly aýrýlar aýrýhanasynda emdeledi, — dep naqtylady Gúldana Kereeva.
Eske sala keteıik, budan buryn BQO-da janýarlardan zardap shekkender sany 1 800-den asqanyn jazǵan edik.
