BQO-da burqasyn soǵyp tur
ORAL. QazAqparat - Búgin Oral qalasynda burqasyn kóterilip, aýa raıy kúrdelenip ketti, dep habarlaıdy QazAqparat.
Qatty jelge qosa qar úzdiksiz jaýyp turǵandyqtan, ásirese, keıbir qaladan shyǵatyn joldarda aýyr júk kólikteri júre almaı, keptelister oryn alýda. Jerdiń taıǵaqtyǵyna baılanysty bir-birimen túıisip qalyp jatqan kólikter bar. Oblys aýdandarynda da kúrdeli jaǵdaı qalyptasyp otyr. Ońtústik aýdandarda jańbyr úzdiksiz jaýǵandyqtan, jol ezilip ketken.
«Qazirgi kezde aýa raıyna baılanysty áýejaı jergilikti saǵat 21.00-ge deıin jabyq. Sol sebepti Astanadan Oralǵa qonýy tıis ushaq Aqtóbege ushyp ketip, qazir sonda aıaldaýda», dep habarlady QazAqparat tilshisine «Oral» halyqaralyq áýejaıynan.
Aıta keteıik, keshe BQO TJ departamenti óńirde kún jaýyn-shashyndy bolyp, tuman, kóktaıǵaq oryn alyp, ońtústik-batystan soqqan jeldiń jyldamdyǵy sekýndyna 15-20 metrge deıin jetetini jóninde eskertken bolatyn.
