BQO-da burqasyn kóterilip, kóktaıǵaq bolmaq
ORAL. QazAqparat - «Qazgıdromet» RMK BQO fılıalynyń málimeti boıynsha 29 naýryzda oblystyń keı jerlerinde kún jaýyn-shashyndy bolyp, burqasyn kóterilip, kóktaıǵaqqa ulasady. Soltústik-batystan soqqan jeldiń jyldamdyǵy sekýndyna 17-22 metrge deıin jetýi yqtımal, dep habarlaıdy «QazAqparat» HAA tilshisi.
BQO TJ departamentiniń jedel kezekshisi, aazamattyq qorǵaý maıory Nurbolat Muqajanovtyń aıtýynsha, Oral qalasynda da jaýyn-shashyn bolyp, jeldiń jyldamdyǵy sekýndyna 18 metrge jetpek.
Osyǵan baılanysty turǵyndar arasynda tótenshe jaǵdaıǵa jol bermeý, ómirlik mańyzy zor nysandardyń qalypty jumysyn, elektr jáne baılanys jelileriniń úzilmeýin qamtamasyz etý maqsatynda tıisti sharalar alynýda.
