BQO-da burqasyn kóterilip, kóktaıǵaq bolady
ORAL. QazAqparat - «Qazgıdromet» RMK Batys Qazaqstan oblystyq fılıalynyń málimetine qaraǵanda, 28 naýryzǵa qaraǵan túnde jáne erteń kún raıy buzylmaq, dep habarlaıdy QazAqparat tilshisi.
Oblystyń keı jerlerinde ońtústik-batystan soǵatyn jeldiń jyldamdyǵy sekýndyna 15-20 metrge jetýi yqtımal. Kún jaýyn-shashyndy bolyp, tumanǵa qosa burqasyn kóterilip, kóktaıǵaq bolmaq.
Oral qalasynda da osyndaı aýa raıy oryn alyp, jeldiń ekpini sekýndyna 18 metrge deıin jetpek.
Osyǵan baılanysty BQO TJ departamenti eskertý jarııalap, qaýipsizdik sharalary qolǵa alynýda.
Aıta keteıik, bıyl Batys Qazaqstan oblysynda aqpannyń aıaǵy men naýryz aıynda qar mol túsip, qystyń sońy uzaryp ketti. Bul, ásirese, malǵa qıyn tııýde.
Qazirgi kezde óńirde kóktemgi sý tasqynyna baılanysty Oral qalasy men barlyq aýdandarda qar shyǵarý jumystary qaýyrt júrgizilýde. BQO TJ departamenti basshysynyń orynbasary Aqylbek Ahmetjanovtyń sózine qaraǵanda, osy kezge deıin 343 myńnan astam tekshe metr qar shyǵarylyp, 2162 tekshe metr sý soryldy.
Kóp jyldyq monıtorıngke sáıkes óńirde sýǵa ketý qaýpi tónetin 76 eldi meken bar. Ol jerlerde 36 myńnan astam adam (9 myńnan astam úı) turyp jatyr. Sondyqtan, ásirese, osy aımaqtarda sý tasqynynyń aldyn alýǵa aıryqsha qam jasalýda.
Foto: auto.howstuffworks.com
