BQO-da burqasyn kóteriletini jóninde eskertý jarııalandy
ORAL. QazAqparat - «Qazgıdromet» RMK BQO fılıalynyń málimeti boıynsha, 25 qańtar kúni óńirdiń keı jerlerinde aýa raıy buzylady, dep habarlaıdy QazAqparat tilshisi.
Burqasyn kóterilip, tuman túsedi, kóktaıǵaq bolady, ońtústik-batystan soǵatyn jeldiń jyldamdyǵy sekýndyna 15-20 metrge deıin jetýi yqtımal.
Oblys ortalyǵy Oral qalasynda da osyndaı aýa raıy oryn almaq.
BQO TJ departamenti eskertý jarııalap, turǵyndar arasynda tótenshe jaǵdaılardy boldyrmaý maqsatynda SMS habarlamalar taratýda.
Eske sala keteıik, budan buryn BQO-da burqasyn kóterilip, kóktaıǵaq bolatynyn, Oralda kúnniń sýytýyna baılanysty mektepterde sabaq toqtatylǵanyn jazǵanbyz.
