BQO-da burynǵy sheneýnik 16 jastaǵy qyzdy zorlady degen kúdikpen qamaýǵa alyndy
ORAL. KAZINFORM – Batys Qazaqstan oblysynda 16 jastaǵy qyzdy zorlady degen kúdikpen er adam eki aıǵa qamaldy.
BQO prokýratýrasynyń baspasóz qyzmetinen málim etkenindeı, kúdikti QR Qylmystyq is júrgizý kodeksi 128-babynyń tártibimen ýaqytsha ustaý ızolıatoryna qamaldy.
Prokýratýra málimetine qaraǵanda, is óndiriste. Materıaldar kúzetpen ustaý túrindegi bultartpaý sharasyn tańdaýdy qaraý týraly sotqa jiberilgen.
- Oral qalasy mamandandyrylǵan tergeý sotynyń qaýlysymen kúdiktige qatysty eki aı merzimge qamaýda ustaý túrindegi bultartpaý sharasy sanktsııalandy, - dep habarlady vedomstvodan.
Eske sala keteıik, budan buryn BQO-da 16 jastaǵy qyzdy zorlaý deregi boıynsha qylmystyq is tergelip jatqanyn jazǵan edik.
Atalǵan derek boıynsha QR QK 120-baby 3-1-bóligi 1-tarmaǵyna (kámeletke tolmaǵan qyzdy zorlaý) sáıkes qylmystyq is qozǵalǵan bolatyn.
Turǵyndar sózine qaraǵanda, 57 jastaǵy kúdikti Shyńǵyrlaý aýdany jer qatynastary bóliminiń basshysy bolyp jumys istegen. Oqıǵadan keıin qyzmetinen bosatylǵan.
