BQO-da buralqy ıtter 25 qoıdy qyryp ketti
ORAL. QazAqparat – Batys Qazaqstan oblysynda buralqy ıtter 25 qoıdy qyryp ketti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa Aqjaıyq aýdany Taıpaq aýylynda boldy.
2 qyrkúıek kúni tańǵy saǵat 07.00 shamasynda aýyl shetinde turatyn eki turǵynnyń, biriniń 18, ekinshisiniń 7 qoıyn ıtter óltirip ketken.
Ittiń ıesi anyqtalǵan jaǵdaıda hattama toltyrylady.
Ótken jyldan beri buralqy ıtterdi atýǵa tyıym salynǵany belgili. Qazirgi ýaqytta, ásirese, aýyldyq jerlerde buralqy ıt, mysyqtardyń kóbeıýi kúrdeli máselege aınalyp otyr.
