BQO-da búgin koronavırýs juqtyrǵan 10 adamnyń beseýi – Túrkistan oblysynyń turǵyndary
ORAL. QazAqparat – Batys Qazaqstan oblysynda koronavırýs juqtyrǵan sońǵy 10 naýqastyń beseýi – Túrkistan oblysynyń turǵyndary, dep habarlaıdy QazAqparat tilshisi.
BQO ákimdiginen túsken málimetke qaraǵanda, sondaı-aq taǵy tórt naýqas – oblys turǵyndary. Olardyń barlyǵy da Reseıden kelgen.
Saratov oblysymen shektesetin «Tasqala» avtoótkelinen ótkennen keıin densaýlyqtaryna shaǵymy bolmaǵanmen, jedel járdemmen karantındik statsıonarǵa jetkizilgen.
Sonymen birge koronavırýs tabylǵandardyń biri – 29 jastaǵy medıtsına qyzmetkeri. Ol buryn koronavırýs juqtyrǵan adammen qarym-qatynasta bolǵan.
Naýqastardyń barlyǵy oblystyq juqpaly aýrýlar aýrýhanasyna jatqyzyldy. Olarmen baılanysta bolǵandar medıtsınalyq baqylaýǵa alyndy.
Aýrý oshaqtarynda dezınfektsııalyq jumys júrgizildi. Іndetke qarsy kúres jalǵasýda.
Osylaısha BQO-da aýyrǵandar sany 163-ke jetip, sonyń 10-y emdelip shyqty. Koronavırýs juqtyrǵandardyń basym kópshiligi – Reseıden kelgender, 29-y – medıtsına qyzmetkeri.
Eske sala keteıik, budan buryn BQO-da koronavırýs anyqtalǵan sońǵy naýqastyń Reseıden oralǵan shymkenttik turǵyn ekenin jazǵan bolatynbyz.
