BQO-da budan shırek ǵasyr buryn adam óltirgender sottaldy

ORAL. KAZINFORM – BQO qylmystyq ister jónindegi mamandandyrylǵan aýdanaralyq sotynda alqabılerdiń qatysýymen Asqar Batyrov pen Álibek Sarmaǵambetovke úkim shyqty.

BQO sotynyń baspasóz qyzmetinen málim etkenindeı, olarǵa QR QK 99-baby 2-bólimi 1, 7-tarmaqshalaryna sáıkes aldyn ala sóz baılasý arqyly top bolyp eki adamdy óltirdi degen aıyp taǵylǵan edi. 

Sotta anyqtalǵanyndaı, 2000 jyly 13 jeltoqsanda shamamen saǵat 18.00-de Oral qalasynda A.Batyrov Á.Sarmaǵambetovtiń nusqaýymen avtokólik ishinde Sh. men S-nyń basy men moınynan tapanshamen atqan. Alǵan jaraqat saldarynan jábirlenýshiler sol jerde kóz jumǵan. 

Sottalýshy Batyrov eki adamdy óltirý boıynsha óz kinásin moıyndap, ókinetinin bildirdi. Sarmaǵambetov óz kinásin moıyndaǵan joq.

- Alqabıler alqasynyń úkimimen sottalýshylar asa aýyr qylmysty aýyrlatatyn jaǵdaıda jasaǵany úshin kináli dep tanyldy. Zań talaptaryn negizge ala otyryp, sot A.Batyrovqa - 19, Á.Sarmaǵambetovke 15 jyl merzimge bas bostandyǵynan aıyrý jazasyn taǵaıyndady.

Olardyń jazasyn qaýipsizdigi barynsha joǵary qylmystyq-atqarý júıesi mekemesinde óteý belgilendi. Sot úkimi zańdy kúshine engen joq, - dep habarlady vedomstvodan. 

Eske sala keteıik, budan buryn polıtsııa 25 jyl buryn Oral qalasynda bolǵan eki adam óltirý qylmysyn ashqanyn jazǵan edik.