BQO-da birmandattyq aýmaqtyq saılaý okrýgteri boıynsha 551 kandıdat tirkeldi

BQO aýmaqtyq saılaý komıssııasynyń tóraǵasy Ádil Jolamanovtyń málim etkenindeı, Batys Qazaqstan oblystyq máslıhaty depýtattyǵyna partııalyq tizim boıynsha 5 saıası partııada 53 kandıdat tirkeldi.

Atap aıtqanda, «Qazaqstan Halyq partııasy» qoǵamdyq birlestigi BQO fılıalynan 3 (áıelder men 35 jasqa deıingi adamdar sany — 2), «Aýyl partııasy» RQB BQO boıynsha óńirlik fılıalynan 6 (áıelder men 35 jasqa deıingi adamdar sany — 3), «Respublica partııasy» qoǵamdyq birlestigi BQO fılıalynan 8 kandıdat (áıelder men 35 jasqa deıingi adamdar sany — 6) saılaýǵa túspekshi.

Sondaı-aq «Aq jol» Qazaqstannyń Demokratııalyq partııasy» qoǵamdyq birlestigi BQO fılıalynan 6 kandıdat (áıelder men 35 jasqa deıingi adamdar sany — 3), «Ádilet» partııasy» qoǵamdyq birlestigi BQO fılıalynan 30 kandıdat (áıelder men 35 jasqa deıingi adamdar sany — 15) dodaǵa qosylmaqshy.

Ádil Jolamanovtyń sózine qaraǵanda, BQO máslıhaty depýtattyǵyna 15 birmandattyq aýmaqtyq okrýg boıynsha 49 kandıdat tirkeldi, onyń ishinde 18-i — saıası partııadan, 31-i — ózin-ózi usyný arqyly.

134 birmandattyq aýdandyq aýmaqtyq okrýg boıynsha 416 kandıdat, onyń ishinde 169-y — saıası partııadan, 247-si — ózin-ózi usyný arqyly, al 24 birmandattyq Oral qalalyq aýmaqtyq okrýgi boıynsha 86 úmitker anyqtaldy, onyń ishinde 38-i — saıası partııadan, 48-i — ózin-ózi usyný tártibimen usynylǵandar.

— Jalpy oblys boıynsha birmandattyq aýmaqtyq saılaý okrýgteri boıynsha 581 kandıdat usynylsa, búgingi tańda sonyń 551-i tirkelip otyr. 30 kandıdat saılaý dodasynan shyǵyp qaldy: 22-si tirkeýge deıin, 6-ýy tirkeýden deıin, ekeýi kandıdatty saılaý jarnasyn tólemeýine baılanysty tirkeýden bas tartyldy. Tirkelgen kandıdattardyń 73 paıyzy — er, 27 paıyzy — áıel, 32,7 paıyzy — 35 jasqa deıingi jas, — dedi Ádil Jolamanov.

Eske sala keteıik, budan buryn Oraldaǵy saılaý ýchaskesinde Qyz Jibek pen Tólegen daýys bergenin jazǵan edik.