BQO-da brakonerler kıik múıizderimen ustaldy
ORAL. QazAqparat - Batys Qazaqstan oblysynda brakonerler kıik múıizderimen ustaldy, dep habarlaıdy QazAqparat tilshisi.
Bul týraly QR AShM Orman jáne ańshylyq sharýashylyǵy komıtetiniń baspasóz hatshysy Sáken Dildahmet áleýmettik jelidegi paraqshasynda jazdy.
«Ohotzooprom» ÓB» RMQK Oral óńirlik fılıalynyń ınspektorlary aýdandyq ishki ister bólimi qyzmetkerlerimen birlesip júrgizgen reıdtik sharalar kezinde 9 sáýir kúni saǵat 21.50 shamasynda Qaztalov aýdany Jalpaqtal aýyly tusynda «Lada 21214» avtokóligin toqtatqan.
Avtokólik rýlinde Qaztalov aýdanynyń turǵyny otyrǵan, sondaı-aq bir jolaýshy bolǵan. Avtokólikti teksergen kezde sómkeden 37 dana kıik múıizi tabyldy.
Atalǵan derek boıynsha, Qaztalov aýdandyq ishki ister bólimi QR QK 339-babyna sáıkes qylmystyq is qozǵap, tergeý amaldaryn júrgizýde.
Eske sala keteıik, budan buryn BQO turǵynynan 70-ke jýyq kıik múıizi tabylǵanyn jazǵan bolatynbyz. 
