BQO-da bir oqýshy ekinshisine pyshaq suǵyp alǵan

ORAL. KAZINFORM — Batys Qazaqstan oblysynda mektep oqýshysynyń buzaqylyq is-áreketine qatysty qylmystyq is qozǵaldy.

Turǵyndardyń sózine qaraǵanda, oqıǵa búgin Terekti aýdany Podstepnyı aýylynda boldy. Bir oqýshy ekinshisine pyshaq suǵyp alǵan. 

BQO polıtsııa departamenti baspasóz qyzmetiniń naqtylaýynsha, Terekti aýdany mektepteriniń birinde bolǵan buzaqylyq is-áreketke baılanysty qylmystyq is qozǵaldy. 

Aldyn ala málimet boıynsha oqýshylar arasynda ózara kelispeýshilik negizinde janjal týyndaǵan.

Qazirgi kezde atalǵan derek boıynsha oqıǵanyń mán-jaıyn tolyq anyqtaýǵa baǵyttalǵan sotqa deıingi tergeý amaldary júrgizilip jatyr.

— Kúdikti oqýshy ustalyp, polıtsııa bólimine jetkizildi. Janjalǵa qatysy bar kámeletke tolmaǵan jasóspirimderdiń zańdy ókilderi balalardy tárbıeleý boıynsha mindetin tıisinshe oryndamaǵany úshin jaýapkershilikke tartylatyn bolady. Materıaldar sondaı-aq qosymsha sharalar qabyldaý jáne osyndaı quqyq buzýshylyqqa jol bermeý úshin aýdan ákimdigi janyndaǵy kámeletke tolmaǵandar isteri jónindegi komıssııaǵa jiberildi. Qylmystyq isti tergeý barysy BQO polıtsııa departamenti basshylyǵynyń erekshe baqylaýynda, — dep habarlady vedomstvodan.

Qazirgi kezde oqıǵanyń mán-jaıy anyqtalý ústinde. 

Eske sala keteıik, budan buryn BQO-da eki kún ishinde buryn izdeýde bolǵan 13 kúdikti ustalǵanyn jazǵan edik.