BQO-da bosaný kezinde kóz jumǵan júkti áıel: Tergeý amaldary jalǵasyp jatyr

ORAL. KAZINFORM — BQO-nyń Jańaqala aýdanynda júkti áıeldiń bosaný kezinde qaza tabýyna baılanysty tergeý amaldary júrgizilip jatyr.

BQO polıtsııa departamentiniń baspasóz qyzmetinen málim etkendeı, 15 mamyr kúni Jańaqala aýdandyq ortalyq aýrýhanasynda júkti áıel kóz jumǵan bolatyn.

«Atalǵan derek boıynsha Jańaqala aýdandyq polıtsııa bólimi tergeý amaldaryn júrgizip jatyr. Qalǵan is saraptama qorytyndysyna sáıkes belgili bolady», dep habarlady vedomstvodan.

Eske sala keteıik, budan buryn Batys Qazaqstanda júkti áıeldiń bosaný kezinde qaıtys bolǵanyn jazǵan bolatynbyz.

Sondaı-aq marqumnyń kúıeýi ádildik kútetinin aıtty.