BQO-da boranǵa baılanysty taǵy da joldar jabyldy
ORAL. QazAqparat - Batys Qazaqstan oblysynda boranǵa baılanysty taǵy da joldar jabyldy, dep habarlaıdy QazAqparat tilshisi.
BQO TJ departamentinen túsken málimetke qaraǵanda, óńirdiń keı jerlerinde burqasyn kóterilip, jeldiń jyldamdyǵy sekýndyna 15 metrge jetken.
Osyǵan baılanysty 4 naýryz kúni saǵat 22.00-den bastap respýblıkalyq mańyzy bar Qaztalov - Jánibek - RF shekarasy jáne Ónege - Bısen - Saıqyn baǵytyndaǵy joldarda barlyq kólik túrleri úshin qozǵalysqa shekteý qoıyldy.
«Qazirgi kezde 8 oblystyq, 4 respýblıkalyq, barlyǵy 12 jol jabyq. Joldardyń jabylǵany jóninde turǵyndarǵa SMS habarlamalar jiberildi», dep habarlady QazAqparat tilshisine BQO TJ departamentinen.
Eske sala keteıik, budan buryn aýa raıynyń nasharlaýyna baılanysty joldardyń jabylǵanyn jazǵan bolatynbyz.
Odan keıin de boranǵa baılanysty taǵy bir respýblıkalyq jol jabylǵan edi.
