BQO-da boranǵa baılanysty respýblıkalyq joldar jabyldy
ORAL. QazAqparat – Batys Qazaqstan oblysynda boranǵa baılanysty respýblıkalyq joldar jabyldy, dep habarlaıdy QazAqparat tilshisi.
«Qazavtojol» JShS BQO fılıalynyń málimetine qaraǵanda, 17 naýryz kúni jergilikti saǵat 21.30-dan bastap aýa raıynyń nasharlaýyna baılanysty respýblıkalyq Atyraý-Oral (492-189 km, Oral qalasynan Atyraý oblysynyń shekarasyna deıin) jáne Oral-Tasqala- RF shekarasy (31-104 km, Peremetnyı aýylynan RF shekarasyna deıin) joldarynda barlyq avtokólik túrleri úshin qozǵalys shekteldi.
Jabylý sebebi – qatty burqasyn (kórý shegi 50 metrge deıin). Osyǵan baılanysty BQO TJ departamenti eskertý jarııalanǵanyn habarlady.
Jánibek aýdanynan Oralǵa saparlap kele jatqan jolaýshylar da boran men kóktaıǵaqqa baılanysty avtokóliktiń ázer júrip kele jatqanyn jetkizdi.
