BQO-da boranǵa baılanysty respýblıkalyq jolda qozǵalys shekteldi

ORAL. QazAqparat - Batys Qazaqstan oblysynda boranǵa baılanysty respýblıkalyq jolda qozǵalys shekteldi, dep habarlaıdy QazAqparat tilshisi.

«QazAvtoJol» JShS málimeti boıynsha búgin jergilikti saǵat 16.40-tan bastap kórshiles Aqtóbe oblysynda aýa raıynyń nasharlaýyna baılanysty respýblıkalyq mańyzy bar Samara-Shymkent (394-526 km, Jympıty aýylynan Aqtóbe oblysyna deıin) joly barlyq kólik túrleri úshin jabyldy.

Jabylý sebebi - boran, kúshti jel, joldyń kórinýi nashar.

BQO TJ departamentiniń baspasóz qyzmeti osyǵan baılanysty eskertý jarııalap, turǵyndarǵa habarlama taratylyp jatqanyn jetkizdi.

Eske sala keteıik, budan buryn BQO-da boranǵa baılanysty respýblıkalyq joldyń jabylǵanyn jazǵan bolatynbyz.