BQO-da boranǵa baılanysty respýblıkalyq jolda kólik qozǵalysyna shekteý qoıyldy

ORAL. QazAqparat – Batys Qazaqstan oblysynda boranǵa baılanysty respýblıkalyq jol jabyldy, dep habarlaıdy QazAqparat tilshisi.

«QazAvtoJol» UK» AQ BQO fılıalynyń málimeti boıynsha 25 jeltoqsan kúngi jergilikti saǵat 19.05-ten bastap respýblıkalyq mańyzy bar Oral-Tasqala-RF shekarasy jolynda (4-104 km) barlyq kólik túrleri úshin qozǵalysqa shekteý qoıyldy.

Bul týraly BQO TJ departamenti habarlady.

Sondaı-aq departament 26 jeltoqsan kúni oblystyń ońtústik-batysynda tuman túsip, kóktaıǵaq bolatynyn, soltústiginde jaıaý burqasyn kóteriletinin jetkizdi. Jeldiń ekpini sekýndyna 15-20, keı jerlerde 23-28 metrge jetýi yqtımal.

Osyǵan baılanysty tótenshe jaǵdaılardy boldyrmaý maqsatynda tıisti sharalar alynýda.

Eske sala keteıik, budan buryn Batys Qazaqstanda Oral-Atyraý joly jabylǵanyn jazǵan bolatynbyz.