BQO-da boranǵa baılanysty respýblıkalyq jol jabyldy
ORAL. QazAqparat - Batys Qazaqstan oblysynda boranǵa baılanysty jol jabyldy, dep habarlaıdy QazAqparat tilshisi.
«Qazavtojol» JShS BQO fılıalynyń málimeti boıynsha aýa raıynyń nasharlaýyna baılanysty respýblıkalyq mańyzy bar «Tasqala-RF shekarasy» jolynda búgin jergilikti saǵat 17.30-dan bastap barlyq kólik túrleri úshin qozǵalysqa shekteý qoıyldy.
Bul Tasqala aýylynan (76 km - 104 km) RF shekarasyna deıingi aýmaqty qamtıdy.
Sonymen qatar oblystyq mańyzy bar «Tasqala-Aqqýraı-Bolashaq-RF shekarasy» (0-159 km) joly da jabyldy.
«Osyǵan baılanysty turǵyndar arasynda tótenshe jaǵdaılardy boldyrmaý maqsatynda SMS habarlamalar jiberilip, tıisti sharalar alynýda», dep habarlady BQO TJ departamentiniń baspasóz qyzmeti.
Eske sala keteıik, budan buryn BQO-da jel kúsheıip, boran soǵatyny jóninde jazǵan bolatynbyz.
