BQO-da boranǵa baılanysty barlyq joldar jabyldy
ORAL. QazAqparat - Batys Qazaqstan oblysynda boranǵa baılanysty barlyq joldar jabyldy, dep habarlaıdy QazAqparat tilshisi.
BQO TJ departamentinen túsken málimetke qaraǵanda, qatty boranǵa baılanysty joldar tańǵy saǵat 6.00-den bastap jabyla bastady.
Atap aıtqanda, aldymen respýblıkalyq mańyzy bar «Qaztalov-Jánibek-RF shekarasy», «Ónege-Bısen-Saıqyn», «Oral-Tasqala-RF shekarasy», «Podstepnyı-Fedorov-RF shekarasy» baǵytyndaǵy joldarǵa shekteý qoıyldy.
Jergilikti saǵat 09.00-den bastap barlyq joldar jabyldy.
Oblys ortalyǵy Oral qalasynda da jel uıtqı soǵyp, boran bolyp tur.
Eske sala keteıik, budan buryn da óńirde barlyq joldyń jabylǵanyn, keshe aýa raıynyń buzylatyny jóninde eskertý jasalǵanyn jazǵan bolatynbyz.
