BQO-da borandy kúni joǵalyp ketken er adamnyń denesi tabyldy

Batys Qazaqstan oblysynda boranda joǵalyp ketken er adamnyń denesi daladan tabyldy, dep habarlaıdy Kazinform.

BQO polıtsııa departamenti baspasóz qyzmetiniń málimetinshe, marqumnyń denesin turǵyn 24 qarasha kúni saǵat 12.00-de Terekti aýdany Aqjaıyq aýylynan 10 shaqyrym jerden tapqan. 

«62 jastaǵy er adamnyń denesinde kúsh qoldaný belgileri joq. Qazirgi ýaqytta adam óliminiń sebebin anyqtaý úshin múrde sot-medıtsınalyq saraptamaǵa joldandy», - dep habarlady vedomstvodan. 

Eske sala keteıik, budan buryn BQO-da boranda joǵalǵan 62 jastaǵy er adamnyń ushaqpen izdestirilip jatqanyn jazǵan bolatynbyz.

Sondaı-aq Oral qalasynda saıajaı turǵyndary eki kún boıy jaryqsyz qaldy.