BQO-da boranda jolda qalǵan reseılik azamattar qutqaryldy
ORAL. QazAqparat - Batys Qazaqstan oblysynda boranda jolda qalǵan reseılik azamattar qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 7 aqpan kúni saǵat 15.14-te Qaratóbe aýdany aýmaǵynda boldy.
Saraljyn-Qaratóbe jolynda, aýdan ortalyǵy Qaratóbeden 20 shaqyrym jerde 4 qyzmetker, 1 tehnıkanyń kúshimen úsh birdeı «GAZel» júk kóligi qar qursaýynan tazartylǵan jerge shyǵaryldy. Kólikterde 7 adam bolǵan, olardyń tórteýi - Reseı azamattary.
Bıyl jyl basynan beri 6 aqpan kúngi málimet boıynsha 198 tehnıka qar qursaýynan bosatylyp, 223 adam qutqaryldy. 168 adam evakýatsııalandy. Sondaı-aq turǵyndarǵa 68 SMS habarlama jiberilse, sonyń 10-y aýa raıynyń buzylatyny jóninde, 58-i joldardyń jabylǵany týraly eskertý.
Eske sala keteıik, búgin Batys Qazaqstan oblysynda boranǵa baılanysty joldardyń jabylǵanyn jazǵan bolatynbyz.
