BQO-da boran: taǵy bir respýblıkalyq jol jabyldy
«QazAvtoJol» UK» AQ BQO fılıalynyń málimetine qaraǵanda, 26 jeltoqsan kúni saǵat 11.10-nan bastap respýblıkalyq mańyzy bar Podstepnyı-Fedorov-RF shekarasy jolynda (0-144 km) barlyq kólik túrleri úshin qozǵalysqa shekteý qoıyldy.
Jabylý sebebi - qatty boran.
Qazirgi kezde oblys boıynsha respýblıkalyq mańyzy bar Oral-Tasqala-RF shekarasy, Samara-Shymkent (Oral qalasynan Reseı shekarasyna deıin), sondaı-aq oblystyq Tasqala-Aqqýraı-Bolashaq-RF shekarasy, Úlken Shaǵan-Peremetnyı joldary jabyq.
BQO TJ departamentiniń baspasóz qyzmetinen túsken málimetke qaraǵanda, oblys boıynsha jolda qalǵan avtokólikterden birneshe adam qutqaryldy.
Oral qalasynyń ózinde boran soǵyp tur.
Eske sala keteıik, budan buryn BQO-da boranǵa baılanysty respýblıkalyq jolda qozǵalys shektelgenin, Oralda kúshti jel bes qabatty turǵyn úıdiń shatyryn julyp áketkenin jazǵan bolatynbyz.