BQO-da boran soǵatyny jóninde eskertý jarııalandy
ORAL. QazAqparat - «Qazgıdromet» RMK BQO fılıalynyń málimetine sáıkes BQO-nyń keı jerlerinde 20-22 qańtar kúnderi qar jaýyp, boran soǵady jáne batys, soltústik-batystan soqqan jeldiń jyldamdyǵy sekýndyna 15-20 metrge deıin jetýi yqtımal, dep habarlaıdy «QazAqparat» HAA tilshisi.
BQO TJ departamentiniń jedel kezekshisi, azamattyq qorǵaý maıory Nurbolat Muqajanovtyń aıtýynsha, osy kúnderi Oralda da qar jaýyp, burqasyn kóterilmek. Batys, soltústik-batystan soqqan jeldiń ekpini sekýndyna 18 metrge deıin jetpek.
«Osyǵan baılanysty turǵyndar arasynda tótenshe jaǵdaılarǵa jol bermeý maqsatynda eskertý jarııalanyp, tıisti sharalar alynýda. Ómirlik mańyzy bar nysandardyń, elektr jáne baılanys júıeleriniń irkilissiz jumysyn qamtamasyz etý baqylanýda. Tótenshe jaǵdaıǵa qarsy turý úshin kúsh-quraldar daıyndyqqa keltirilip, basshylyq quramnyń táýlik boıy kezekshiligi uıymdastyryldy», - dedi «QazAqparat» tilshisine N.Muqajanov.
