BQO-da bopsalaýǵa qatysy bar kúdikti qamaýǵa alyndy

ORAL. KAZINFORM — BQO-da polıtsııa jastar arasyndaǵy qylmystardy anyqtaý jáne jolyn kesý jumysyn jalǵastyryp keledi, dep habarlaıdy Polisia.kz.

Batys Qazaqstan oblysy polıtsııa departamentiniń uıymdasqan qylmysqa qarsy kúres basqarmasy jastar arasynda jasalatyn qylmystardy anyqtaý jáne jolyn kesý baǵytynda júıeli jumystar júrgizip keledi.

— Jedel-izdestirý is-sharalary barysynda Atyraý oblysy turǵynynyń BQO turǵynyna qatysty qylmys jasaǵany anyqtaldy. Bıyl jaz aıynda kúdikti jábirlenýshiniń páterinde bolyp, ony qorqytyp, iPhone 15 telefonyn ıemdengen. Ol qyzdy sol telefondy lombardqa tapsyrýǵa májbúrlegen. 500 myń teńge kóleminde aqsha alǵan soń, kúdikti oqıǵa ornynan qashyp ketken, — delingen aqparatta. 

Atalǵan fakti boıynsha qylmystyq is qozǵalyp, kúdikti ustalyp, ýaqytsha ustaý ızolıatoryna qamaldy.

— Jastar tarapynan jasalatyn quqyq buzýshylyqtardyń aldyn alý jáne jolyn kesý jumystary BQO polıtsııa departamenti basshylyǵynyń erekshe baqylaýynda jáne bul baǵyttaǵy jumys turaqty túrde jalǵasady, — dep jazdy agenttik.

Aıta keteıik, Abaı oblysynda polıtsııa júrgizýshilerge eskertý jasady.