BQO-da bilim salasynyń 40-qa jýyq laýazymdy qyzmetkeri jaýapqa tartyldy

ORAL. KAZINFORM – Batys Qazaqstan oblysy Jánibek aýdanynda bilim berý uıymdarynda júrgizilgen tekserý barysynda zań buzýshylyqtar anyqtaldy.

BQO prokýratýrasynyń baspasóz qyzmetinen málim etkenindeı, atap aıtqanda, T.Jarokov atyndaǵy orta mektepte «Ómir qaýipsizdigi negizderi» boıynsha mindetti sabaqtar júrgizilmegen.

Bul QR Oqý-aǵartý mınıstriniń 2022 jylǵy 3 tamyzdaǵy «Mektepke deıingi tárbıe men oqytýdyń, bastaýysh, negizgi orta, jalpy orta, tehnıkalyq jáne kásiptik, orta bilimnen keıingi bilim berýdiń memlekettik jalpyǵa mindetti standarttaryn bekitý týraly» №348 buıryǵy talaptaryna qaıshy keledi. Atalǵan sabaq aýdandaǵy 1 200 oqýshy úshin uıymdastyrylmaǵan.

- Eńbek qatynastary salasyndaǵy buzýshylyqtar da tirkeldi: qyzmetkerler ujymdyq sharttarmen tanyspaǵan, al eńbek shartyn buzý kezinde belgilengen normalar saqtalmaǵan. Tekserý nátıjesinde 30 laýazymdy qyzmetker tártiptik, al 8-i ákimshilik jaýapkershilikke tartyldy, - dep habarlady vedomstvodan.

Eske sala keteıik, budan buryn BQO-da úsh aýysymdy mektepter máselesi qalaı sheshilip jatqanyn jazǵan bolatynbyz.